Dilluns, 25 de març
Avem capitat. Mercés plan! E volètz veire cossí s'es estampat lo Jornalet papièr? Agachatz lo vidèo de Eth Ligam Occitan (EthLO)
Jornalet que trè ua revista en papèr. pic.twitter.com/lLbZEIKKmV
— EthLigamOccitan (@ethligamoc) 25 de març de 2019
Dijous, 21 de març
Se pòt ara legir Jornalet en papièr a Besièrs. Lo Centre Interregional de Desvolopament de l'Occitan (CIRDÒC) a aquerit 50 exemplars de Jornalet en papièr e son ja arribats.
Lo CIRDÒC es a l’ora d’ara un fons documentari unic al Mond dins lo domeni occitan, e constituís la sola bibliotèca exclusivament consagrada a una lenga e a una cultura minorizada dins l’estat francés. Aqueste patrimòni, enriquit d'un biais permanent a travèrs d’una politica d’aquisicions renfortida, a per tòca d’èsser una memòria viventa mesa a la disposicion de totes, grand public, estudiants, escolans, simples curioses o cercaires del Mond entièr.
Lo centre de documentacion, imprescindible per mantenir la cultura occitana, emplega 15 salariats e mena a bon tèrme mai de 800 projèctes culturals que genèran de retombadas economicas dins tota la region.
En 2011, lo centre lancèt lo portal numeric occitanica.eu ont se pòt consultar de nombroses libres e documents de la bibliotèca.
Dijous, 21 de març
La coneissètz la jornalista Gisèla Naconaski? Anima e presenta lo d'Òc Show d'Òc-Tèle e l'emission Miègjornau de Ràdio Lenga d'Òc. Brasilièra d'origina, arribèt en Occitània en 2009 ont descobriguèt la lenga occitana.
Parlèrem amb ela fa qualques jorns per l'emission de Betevé #aranésòc
Dijous, 7 de març
Avèm despassat l’eqüator de la campanha amb la mitat de l’argent necessari. Nos a fach enveja de mandar los primièrs exemplars a l’imprimariá. La rotativa començarà virar la setmana que ven!