Es lèst lo primièr numèro de la revista en papièr que i cap una seleccion dels melhors articles publicats per Jornalet, gaseta occitana d'informacions long de sas primièras sèt annadas, 2012-2018. Al total, la revista compta 84 paginas ont se tròba doas informacions de cada an, una de nacionala e una d'internacionala, sèt entrevistas e catòrze articles d'opinion. Escricha en una lenga de qualitat, la revista conten d'articles en totes los dialèctes occitans.
 
Per far la seleccion avèm pres en compte las avaloracions dels legeires, los comentaris e los nombres de vesitas.
 
La revista la mandarem gratuitament a totas las gents qu'an sostengut Jornalet. Se’n prevei un exemplar per totes aqueles qu'an fach un don o son de sòcis de las associacions que mantenon lo jornal numeric occitan, es a dire los Amics del Jornalet del costat nòrd dels Pirenèus, e l'ADÒC del costat sud.
 
Lo prètz de venda al public es de 10 èuros. E ara, abans de decidir se ne farem estampar 500 exemplars o 1000, aviam aquesta campanha de micromecenatge a la faiçon d’una prevenda. Se sèm pro de mond per ne reservar un exemplar, farem virar la rotativa fins qu'ajam estampat un milièr d'exemplars.  Cresèm qu'es un document que totes los amoroses de la lenga occitana voldràn aver, e per aquela rason entamenam aquesta campanha.


Detalh de l'interior:


Ensenhador:

Jornalet
Barcelona

Era Associacion entara Difusion d'Occitània en Catalonha (ADÒC) que trabalhe entà hèr a conèisher era realitat occitana, mès que mès enes mejans de comunicacion. En aqueth sens que realize er informatiu #aranésòc en Betevé e que publique eth jornau digitau Jornalet.com