Ajudatz Jornalet a contunhar d’èsser editat amb lo professionalisme e l’eficacitat que ja li coneissèm, amb la dotacion informatica qu’un jornal professional n'a de besonh.
E mai se los mèdias de las lengas minorizadas an paucas ressorsas, la còla de
Jornalet a luchat per ofrir a Occitània un mèdia de qualitat. Ont l’argent es pas arribat, los jornalistas benevòls an mes mai d’oras panadas a la familha, al sòm e al trabalh. Trobaràn totjorn lo sosten dels
Amics de Jornalet, mas es tanben arribat lo temps que tròben tanben la solidaritat del pòble occitan e dels amics d’Occitània.
Per poder contunhar d'èsser editat amb los meteisses professionalisme e eficacitat, a
Jornalet li fa mestièr d'acampar 3600 € per fin de:
— Crompar
un nòu ordenador (de marca Apple, la referéncia professionala dins lo mitan jornalistic e editorial) > 2629 €
— Pagar coma cada an la mantenença e l'albergament del jornal (Societat informatica
Tirabol) > 770 €
— Pagar los còstes de micromecenatge > 201 €
Los Amics de Jornalet es una associacion de drech francés (lei 1901), creada per sostenir, despuèi l'estat francés, lo jornal electronic occitan
Jornalet, editat en Catalonha, a Barcelona, mas subretot legit en Occitània.
Quant a las recompensas
Jornalet publicarà un article per explicar lo projècte de micromecenatge, en vos mostrant l’ordenador nòu e en publicant los noms de totes los qu’auràn fach possible la professionalizacion d’aqueste mèdia.
Los que donaràn de 25 èuros enlà, recebràn lo pegasolet que ditz “Jornalet es possible gràcias a ieu”, inspirat de l’istoric “Òme d’òc”. S’agís d’un pegasolet de plan nauta qualitat, de pegar especialament sus la veitura, mas que podètz metre ont volgatz.
Al delà de tot aquò, de 50 enlà veiretz qu’es indicat un present de
Macarel, que sosten lo projècte en prepausant de camisetas, de pegasosets, de CDs d'Albès e d'imantons. Poiretz causir un present.
Los que poiràn ajudar amb 100, 200 o 500 èuros auràn totes los presents mençonats e poiràn publicar una publicitat sus Jornalet per un mes, tres meses o un an respectivament. Es un bon moment per far conéisser sul mèdia occitan una associacion, un productor local, un afar, una ostalariá o çò que convendrà mai.
E los mai generoses, que poiràn donar 1000 èuros, auràn tot çò mençonat e recebràn la vesita d’una còla de
l'#aranésòc l’informatiu occitan que s'emet sus
Barcelona TV e tanben sus Jornalet. Que vendràn far un reportatge sus çò que lo mecenas convendrà: una associacion, un productor local, un afar, una ostalariá…